به گزارش ایران پرس به نقل خبرگزاری تسنیم، «عبدالله عبدالله» دیروز (جمعه ) در نشست خبری مشترک با «امامعلی رحمان» رئیس جمهور تاجیکستان در دوشنبه، تروریسم را تهدید مشترکی برای افغانستان و کشورهای آسیای مرکزی دانست و بر لزوم مبارزه مشترک با این پدیده شوم تاکید کرد.
رئیس اجرایی دولت وحدت ملی افغانستان، خواستار افزایش همکاری‌ها در عرصه‌های مختلف بین کابل - دوشنبه شد.
رئیس جمهور تاجیکستان نیز در این نشست خبری امنیت کشورش را در گرو صلح در افغانستان دانست و برای گسترش همکاری‌های امنیتی با این کشور اعلام آمادگی کرد.
رئیس اجرایی دولت وحدت ملی افغانستان که برای حضور در هفدهمین نشست سران سازمان همکاری شانگهای به تاجیکستان سفر کرده با شماری از مقامات کشورهای آسیای مرکزی از جمله «محمدکالی ابوالقاضی‌اف» Mhmdkaly Abvalqazyaf نخست وزیر قرقیزستان و «باقیت جان ساگینتایف» Bakytzhan Sagintayev نخست وزیر قزاقستان نیز دیدار و در خصوص صلح و ثبات در افغانستان گفت وگو کرد.
در شرایطی که در افغانستان امیدی به همکاری جدی و شفاف پاکستان در مبارزه با تروریسم و استقرار صلح در آن کشور وجود ندارد، مقامات کابل تلاش دارند از ظرفیت های بین المللی برای فشار بر اسلام آباد استفاده کنند.
سازمان همکاری منطقه‌ای شانگهای در سال 2001 از سوی سران کشورهای چین، ازبکستان، قزاقستان، تاجیکستان و روسیه با هدف همکاری‌های اقتصادی، امنیتی و فرهنگی میان این کشورها ایجاد شد و ایران، هند، پاکستان، مغولستان و افغانستان نیز از اعضای ناظر این سازمان به شمار می‌روند.
135/112
بیشتر بخوانید :
تاکید رییس اجرایی دولت وحدت ملی افغانستان برخواست مردم برای صلح
تاکید افغانستان برهمکاری منطقه ای برای مبارزه با تروریسم/تحلیل
